|
Diogelwch Mae diogelwch personol ag eraill yn hynod o bwysig os yn defnyddio Bad Dŵr Personol. Beth ddylwn i ei wneud a'i sicrhau cyn lansio? Dyma restr o rhai o'r pethau y dylech wneud cyn lansio :-
Rhywbeth arall hynod o bwysig i gadw llygad arno drwy gydol y tymor yw cyflwr eich ôl gerbyd - y peth olaf fyddech eisiau i ddigwydd fydda i'ch bad gael ei daflu i ganol y ffordd fawr am fod eich strapiau neu "bearings" ar eich olwynion wedi methu. Mae'n bwysig iawn edrych ar gyflwr y "bearings" ar eich olwynion cyn unrhyw siwrnai. Y ffordd symlaf i wneud hyn ydi i godi yr ôl gerbyd gyda jac a thrio symud yr olwyn gyda’ch llaw i weld os ydyw yn crynu neu ysgwyd. Os ydynt yn crynu neu ysgwyd yn sylweddol yna mae'n bosibl bod eisiau i chi eu tynhau neu eu newid (dylid gwneud hyn cyn cychwyn ar eich siwrnai)
Pe byddech eisiau lawr lwytho y rhestr uchod yna cliciwch yma. Tynnu eich Bad Uchafswm cyflymder tynnu bad dŵr personol ar briffordd yw 50 m.y.a. tra fod yr uchafswm yn 60 m.y.a. ar ffordd ddeuol neu draffordd. Fel a nodwyd uchod gwnewch yn siŵr bod "bearings" eich olwynion mewn cyflwr da a bod y bad wedi ei ddiogelu gyda strapiau diogel yn y mannau priodol. Pwynt arall i gymeryd i ystyriaeth yw diogelu eich bad ac yr ôl-gerbyd yn enwedig os ydych yn bwriadu ei adael yn rhywle. Buaswn yn argymell rhoi clamp ar yr olwyn a pharcio mewn lle amlwg ble medrwch ei weld pob amser os yn bosibl!. Mae yna ambell stori am bobl wedi picio i'r gwasanaethau ar y draffordd a pan y maent wedi dod yn ôl mae eu bad dŵr personol wedi cael ei ddwyn. Manylion Bwiau Dyma fanylion a gwybodaeth i chi ynglyn â ystyr y bwiau gwahanol :- Bwi Coch : Ddim yn cael ei ddefnyddio lawer yn Gwynedd ond maent mewn defnydd ar Draeth y Graig Dd i ddynodi yr ardal ble gellir lansio. Mae uchafswm cyflymder mewn grym yn y rhan yma o 4 kts. Bwi Melyn : Defnyddir y bwiau melyn i ddynodi ardaloedd ble mae cyfyngiadau cyflymder fel arfer o 4 kts neu ardaloedd ble mae gwaharddiad mewn lle (edrychwch ar y tudalennau "Safleoedd Lansio" ar y wefan yma i weld ystyr y bwiau yma ym mhob safle. Bwiau Coch a Gwyrdd "Lateral" : Mae rhain yn dynodi sianelau saff. Pan yn mynd i FEWN i Harbwr yna dylech basio y Bwi Coch ar y Llaw chwith ar bwi gwyrdd ar y Llaw Dde. Mapiau Mannau Eithriedig Byddwch yn ymwybodol o'r mannau eithriedig yn ymyl y safleoedd lansio ac o amgylch yr arfordir, ardaloedd yw rhain ble mae badau dwr wedi cael eu cyfyngu i uchafswm cyflymder neu wedi eu gwahardd yn gyfan gwbwl. Mae copi o'r holl fapiau ar gael yn y tudalennau "Safleoedd Lansio" ag yna yn nhudalen penodol pob un o'r safleoedd lansio. Diogelwch Traethau Mae Cyngor Gwynedd yn cyflogi nifer o wardeniaid a goruchwylwyr traethau yn ystod tymor yr haf. Bydd yr aelodau o staff yma yn bresennol yn y mwyafrif o brif draethau y sir ac ym mhob un o'r safleoedd lansio a nodi'r ar y wefan yma. Bydd yr Uned Forwrol yn defnyddio 4 Bad Dŵr Personol i fonitro yr arfordir yn ystod y tymor - mae'r badau yma wedi eu amlygu gyda sticeri llachar. Yn ychwanegol i'r BDP mae gan yr Uned Forwrol gychod pŵer a fydd hefyd yn goruchwylio arfordir y sir. Mae yna hefyd aelod newydd i'r fflyd (gweler y llun isod). Fe ddefnyddir y peiriant yma i gosbi pobl sydd yn torri y rheolau a rheoliadau!!
Rhifau Ffôn Defnyddiol Harbwrfeistr Pwllheli : 01758 704 081 neu 07879 433145 Swyddog Traethau Pwllheli : 07831 216 043 Harbwrfeistr Porthmadog : 01766 512 927 neu 07702 719 023 Swyddog Traethau Porthmadog :07702 719 023 Harbwrfeistr Abermaw : 01341 280 671 neu 07795 012 747 Harbwrfeistr Aberdyfi : 01654 767 626 neu 07879 433 148 Cyngor Tref Nefyn (Cyfrifol am Draethau Nefyn a Morfa Nefyn) : 01758 720 507 VHF : 12 / 16 Gwyliwr y Glannau (Caergybi) :01407 762 051 Swyddfa Morwrol : 01758 704 066 Ebost Uned Morwrol : morwrol@gwynedd.gov.uk
|
.jpg){kind=logo}
